సిరివెన్నెల గాయ౦ మారేది ఎప్పటికో........?

నిగ్గదీసి అడుగు ఈ సిగ్గులేని జనాన్ని

అగ్గితోటి కడుగు ఈ సమాజ జీవచ్ఛవాన్ని

...

మారదు లోకం మారదు కాలం

దేవుడు దిగి రానీ ఎవ్వరు ఏమైపోనీ

మారదు లోకం మారదు కాలం

గాలివాటు గమనానికి కాలిబాట దేనికి

గొర్రెదాటు మందకి మీ జ్ఞానబోధ దేనికి

ఏ చరిత్ర నేర్చుకుంది పచ్చని పాటం

ఏ క్షణాన మార్చుకుంది జిత్తుల మార్గం

రామబాణమార్పిందా రావణ కాష్టం

క్రిష్ణగీత ఆపిందా నిత్య కురుక్షేత్రం

నిగ్గదీసి అడుగు ఈ సిగ్గులేని జనాన్ని

అగ్గితోటి కడుగు ఈ సమాజ జీవచ్ఛవాన్ని

మారదు లోకం మారదు కాలం

పాత రాతి గుహలు పాల రాతి గృహాలైనా

అడవి నీతి మారిందా ఎన్ని యుగాలైనా

వేట అదే వేటు అదే నాటి కథే అంతా

నట్టడవులు నడివీధికి నడిచొస్తే వింతా

బలవంతులె బ్రతకాలని సూక్తి మరవకుండా

శతాబ్దాలు చదవలేదా ఈ అరణ్యకాండ

నిగ్గదీసి అడుగు ఈ సిగ్గులేని జనాన్ని

అగ్గితోటి కడుగు ఈ సమాజ జీవచ్ఛవాన్ని

మారదు లోకం మారదు కాలం

దేవుడు దిగి రానీ ఎవ్వరు ఏమైపోనీ

మారదు లోకం మారదు కాలం